Últimas novas

O concello de Meis atópase nunha situación envexable na comarca.

No día de onte aprobáronse os orzamentos do concello de Meis por un importe de 2.892.720€, sendo o primeiro concello da comarca en sacar á luz os seus números para o ano 2018. O pleno que comezou ás 20:30 h. prolongouse por máis de 2 horas debido ao gran número de puntos que contiña, sendo un dos máis importantes os orzamentos do ano 2018, sendo este concello o 1º en aprobalos na comarca do Salnes e posiblemente de toda a provincia, o orzamento do 2018 increméntase con respecto ao do ano 2017 en case 500.000€, debido á austeridade e boa xestión do goberno destes últimos anos e a comprensión e apoio de todos os veciños e veciñas. Os investimentos en obras para o ano 2018 estipúlanse en máis de 700.000€ aprox. dos cales preto de 400.000€ é o diñeiro que ten que achegar a deputación por lei, e que despois o concello decide en que se inviste como, preto de 300.000€ será dun proxecto realizado desde o concello de Meis, que nos outorga a Deputación de Pontevedra para a mellora da Praza de España. Sen esquecernos das achegas que esperamos recibir tanto de Xunta de Galicia, como de Deputación no ano 2018, podendo alcanzar máis de 1.000.000€ de investimento para o concello de Meis. No tocante a servizos sociais, mantense as cantidades de anos anteriores e mellórase o apartado de cultura e deportes, xa que José Luis Pérez entende que é unha partida a cal había que mellorar xa que por exemplo contamos con asociacións de Futbol no municipio que contan nas súas filas este ano, con equipos femininos e é necesario adaptar as infraestruturas e potenciar este deporte tamén no xénero feminino que se ve que ten un gran futuro neste concello. Meis pasa a ser no ano 2018 como contemplan os orzamentos aprobados no día de onte, o concello que menos gasto ten en cargos políticos na comarca do Salnes, por 2 motivos moi importantes, o 1º e de maior contía é debido a que o primeiro edil José Luis Pérez, exercerá as súas funcións como alcalde acolléndose á xubilación e non percibindo retribucións salariais do concello, co cal xera un aforro de máis de 40.000€ ás arcas municipais, que José Luis Pérez a decidido incorporalo aos orzamentos para incrementar o orzamento de cultura deporte e asuntos sociais e que sexan os veciños e veciñas os que se favorezan e a 2ª e non menos importante é que nestes orzamento reduciuse ao 50% os ingresos que percibían os partidos políticos PP- PSOEdeG-BNG neste concello. Tamén se comproba neste pleno a través dos informes de Intervención que o concello está nun momento inmellorable desde o comezo da crise, polo cal tivo que acollerse ao Plan de Pagos a Provedores e chego a ter unha débeda bancaria de preto de 1.000.000€, a cal nestes momentos está en 340.000€ e neste mes farase unha achega de 75.000€ e esta quedará por baixo dos 270.000€ isto é un 73% menos de débeda, ademais o período de pago a provedores situouse no informe remitido ao ministerio do segundo trimestre en -15 días é dicir que se paga 15 días antes do límite fixado polo estado. Por todo isto José Luis Pérez di que son uns prepuestos moi ambiciosos, transparentes, reais e prudentes, os cales lograsen manter os servizos dos que gozan todas as veciñas e veciños de Meis ata o momento e mellorar a xestión dos fondos públicos.

O alcalde José Luis Pérez acompañado dos concelleiros Ofelia Barrral e Jario Paz revisaron o parque infantil da parroquia de Armenteira, o cal foi reparado estes días das avarías e desgaste polo paso do tempo.

Desde o concello levan varios meses organizando o traballo da adecuación dos parques infantís do municipio que estaba proxectado comezasen no ano 2018, pero por mor dun aviso por parte de veciñas e veciños de Armenteira comentado as deficiencias e danos que tiña o parque situado nesta localidade “utilizado por máis de 50 nenos e ao ser un parque situado á beira do colexio urxía a súa reparación canto antes”

José Luis Pérez e varios concelleiros achegáronse a comprobar e verificar os danos do parque e o alcalde vendo o estado en que se atopaba tiña que tomar unha decisión ou ben precintar a instalación ou reparala urxentemente, por suposto José Luis Pérez optou pola segunda opción e non privar do parque infantil aos nenos, facendo este traballo nun tempo record desde o aviso ata a súa reparación non pasaron máis de 72 horas.

Agora o parque loce un novo colorido e máis seguridade nos elementos, o alcalde comprometeuse a seguir mellorando o parque xa que hai elementos rotos que non se poden reparar e hai que cambialos directamente, tamén en breve arrombarase os sebes do peche para que luza aínda mellor.

José Luis Pérez quere agradecer enormemente a todos os veciños e veciñas que coas súas chamadas alértannos de danos e reparacións que sen a súa axuda non coñeceriamos e desde o concello téntase dentro das nosas posibilidades rapalo canto antes e tamén aproveita para agradecer a paciencia de todos e todas ante estes problemas.

• José Luis Pérez quere enviar un enorme agradecemento a veciñanza pola súa axuda desinteresada traballando arreo e  incluso ofrecendo medios particulares como cisternas etc.… e a todos os operativos, desprazados no día de onte polo gran sacrificio de ter que enfrontarse a un inimigo tan poderoso como e o lume nas condicións de seca e fortes rachas de vento arriscando a súa propia vida en prol dos veciños e veciñas de Meis.
• A valoración dos danos ascende a entre setenta e oitenta hectáreas de terreo
• No día de hoxe seguindo as instrucións do alcalde José Luis Pérez, Ofelia Barral e mais Jairo Paz estiveron comprobando coa luz do día cales foron os danos e se os lumes estaban controlados nas zonas de, cabeza de boi, Gondes, As pereiras, Fofan, Castiñeiras, Mirador de San cibran falando e tranquilizando a veciñanza.

No día de onte Domingo 15 de outubro foron moitos concellos Galegos os que desgraciadamente sufriron o ataque de terroristas incendiarios ó longo e ancho da xeografía galega, O Concello de Meis por desgracia foi un deles e o seu alcalde José Luis Pérez (estando ausente, xa que por motivos de saúde atopase fora de Galicia) estivo en todo momento organizando o operativo a través dos seus concelleiros entre eles Jairo Paz, Ofelia Barral e mais Miguel Pérez, que en todo momento estiveron en contacto telefónico co alcalde José Luis Pérez mobilizaron a todos os efectivos dispoñibles para axudar nas labores de extinción de todos os focos posibles existentes no concello.

Voluntarios de protección civil de Meis en colaboración coas cuadrillas forestais da Xunta, bombeiros do Salnés, bombeiros de Sanxenxo, unha motobomba procedente do Grove, así como varias patrullas da Garda Civil de Poio en colaboración coa Veciñanza , e incluso ofrecemento de outros concellos lindeiros, traballaron a reo para prestar a máxima axuda posible para a extinción dos lumes e para manter a  a seguridade cidadá, xa que o lume ameazaba de preto as vivendas con inmensas lapas.

Desde o concello mobilizáronse tamén tractores con cisterna desde diversos puntos ademais de un camión que fixo as veces de nodriza para as motobombas, xesto que se agradeceu inmensamente para evitar os desprazamentos a puntos de carga.

Non sobrou a axuda en ningún momento , incluso axentes forestais que non estaban de servicio fixeron acto da súa presenza para organizar as cuadrillas e tódolos medios alí  presentes.

Arestora sabemos xa que os danos foron inmensos alcanzando case as oitenta hectáreas de terreo , algún focos seguen parcialmente activos pero controlados na súa totalidade afortunadamente.

No día de hoxe seguindo as instrución do alcalde José Luis Pérez, Ofelia Barral e mais Jairo Paz estiveron comprobando coa luz do día cales foron os danos e se os lumes estaban controlados nas zonas de, cabeza de boi, Gondes, As pereiras, Fofan, Castiñeiras, Mirador de San cibran falando e tranquilizando a veciñanza.

José Luis Pérez quere agradecer o seu tenente de alcalde Eugenio Fernández, e concelleiros do grupo de goberno Raquel Fernández e Natalia González os cales estiveron toda a noite en continuas conversas telefónicas aínda que non foran tan visibles sabe que estiveron a carón dos seus veciños, José Luis Pérez unha vez mais quere concienciar os veciños e veciñas de Meis, que teñen que  limpar as leiras de mato, xa que puideron comprobar que aquelas que non estaban en condicións foron as que as vivendas correron un risco mais importante de queimarse e producir incluso danos irreparables como e a vida dos nosos veciños e veciñas como aconteceu en concellos de Galicia no día de onte.