Novas

• Son capaces de lograr torneos desta calidade, apostando como non podía ser doutra maneira pola inserción da muller no mundo do fútbol, “doulles as grazas e deséxolles os mellores éxitos en diante”

Ao longo do día de onte o alcalde José Luis Pérez gozou do II Torneo de Fútbol Benjamín, celebrado no campo do C.D. Mosteiro en colaboración co concello e que puido contar con 16 clubs participantes que foron: C.D Mosteiro, Salgueiriños C. F, S.D Vilagarcía, Umia F. C, Vilanova, Pontevedra, C. F Moraña, S.D Pontearnelas, Unión Grove, Umia B, Barro, C. F Indepo, A. J Lerez, Atletico Arousá e Armenteira C. F e S.D Vilagarcía B. De todos uns dous clubs participantes eran femininos.

A primeira semifinal xogouse entre o Umia e S.D Vilagarcía dos cales saíu vencedor o Vilagarcía por 0-4 e na segunda semifinal enfrentáronse Vilanova e Salgueiriños no cal no fin do partido o resultado foi 1-1, tendo que ir a tanda de penaltis na cal o gañador resultou ser o Salgueiriños por 2-3.

A final disputouse entre o S.D Vilagarcía e o Salgueiriños conseguindo o triunfo final o Salgueiriños 0-2.

O alcalde José Luis Pérez foi o que tivo a honra de outorgar os Trofeos para os dous primeiros clasificados que foron en primeiro lugar ou Salgueiriños e en segundo lugar ou Vilagarcía, ademais tamén fixo entrega dun obsequio ao máximo anotador que non foi outro que o xogador do Umia Aarón Otero.

O alcade José Luis Pérez agradeceu enormemente o compromiso desta directiva co deporte a cal co seu presidente Manolo á cabeza, son capaces de lograr torneos desta calidade, apostando como non podía ser doutra maneira pola inserción da muller no mundo do fútbol, “ doulles as grazas e deséxolles os mellores éxitos en diante”

• A natureza é un dos activos máis importantes do concello de Meis

No día de hoxe o alcalde Jose Luís Pérez inaugurou na casa de cultura de Meis a exposición dos traballos dos alumnos de 4º de primaria e de 4º da ESO que foron seleccionados no certame de proxectos de Galiciencia, ambos os proxectos están relacionados coa natureza e a súa conservación, como foi o presentado polos alumnos de 4 de primaria relacionado coa xestión do lixo e de como se está levando a cabo a reciclaxe, aínda que o proxecto presentado polos alumnos de 4 da ESO non é menos ambicioso, debido a que o realizaron sobre o cambio climático.

Jose Luís Pérez durante a presentación, tivo que enfrontarse á multitude de preguntas que os mozos lle realizaron por mor dos seus proxectos ademais de transmitirlle varias suxestións, o alcalde quixo agradecer ao CPI de Mosteiro estas iniciativas baseadas no medioambiente e na concienciación dos máis novos con este gran problema que vimos acumulando ao longo dos anos, de igual maneira agradece ás titoras e colaboradoras do proxecto realizado polos alumnos de 4 de primaria como son Pilar González e Mar Rey pola súa gran implicación, como tamén agradece a colaboración de Camilo Ojea (profesor de bioloxía) dos alumnos de 4 da ESO na súa participación do proxecto do cambio climático.

Esta exposición poderase gozar durante 15 días na cal todos os interesados poden comprobar os avances obtidos polos nosos estudantes nesta materia, e de todo o traballo realizado, que consistiu nun estudo de campo, minucioso e detallado da reciclaxe no noso concello, centrándoo nas instalacións de CPI de Mosteiro na súa primeira fase, ampliándoo máis tarde a Mosteiro, revisando papeleiras e contedores comprobando así persoalmente como se está realizando esta reciclaxe. Ao mesmo tempo os alumnos de 4 da ESO colaboraron realizando 119 enquisas e seleccionaron artigos de prensa relativos ao medioambiente, para coñecer como reciclamos nos nosos fogares, tras unha recompilación de todos os datos prepararon un informe detallado coas conclusións e coas recomendacións para a mellora na reciclaxe.

Jose Luís Pérez comento cos alumnos, que é moi agradable o ter mozos que están tan concienciados coa natureza, debido a que non podemos esquecer que a natureza é un dos principais activos que ten o Concello de Meis, polo cal é admirable este compromiso para protexela e coidala, e animounos a continuar coidándoa ao mesmo tempo que a gozan.

• José Luis Pérez recibiu no Salón de Plenos a uns veciños moi novos do C. P.I de Mosteiro acompañados por dous dos seus profesores que lle trasladaron as súas peticións e inquietudes.

O alcalde José Luis Pérez recibiu aos alumnos de CPI de Mosteiro no Salón de Plenos e acompañado pola concelleira Ofelia Barral, escoitaron as inquietudes e peticións que estes nenos trasladáronlle. Nunhas conversacións que resultaron gratificantes e amenas o alcalde puido escoitar como estes mozos veciños están moi preocupados co medio ambiente xa que as súas preguntas estaban enfocadas cara á reciclaxe neste concello de Meis, a estas preguntas o alcalde puido contestar con soltura ao coñecer de primeira man o funcionamento da recollida de residuos deste concello, aínda que este servizo este contratado cunha empresa externa, as preguntas chegaron a ser máis directas e preguntáronlle se o tamén reciclaba na súa casa, ao que contestou que por suposto xa que é unha forma de contribuír coa natureza e onde todos podemos colaborar para axudar ao medio ambiente e aconsellou a todos os alumnos de que fixesen o mesmo nas súas casas, xa que coidar a natureza é un labor de todos e de todas. José Luis unha vez terminado o acto coméntolle aos nenos que compartía o 100% das súas inquietudes e animounos a seguir achegando ideas e novos proxectos.

José Luis di que con este tipo de cursos auméntase o coñecemento destes alunmos no manexo deste tipo de maquinaria, ao mesmo tempo que se consegue que aprendan a avitar posibles accidentes laborais

No día de hoxe José Luis Pérez estivo a facer unha visita a modo de inauguración ao recente curso que comezou este pasado luns de rozadoras e que se está impartindo na casa da cultura do concello, nesta visita o alcalde puido comprobar a gran acollida que teñen este tipo de cursos xa que o concello de Meis é o concello con máis extensión da comarca sendo a maior parte zonas rurais con abundante vexetación. Este curso esta dirixido a traballadores en xeral e a desempregados tendo unha duración de 40 horas teoríco prácticas de 16:00 h a 21:00 h. As clases prácticas serán de 6 h coa máquina non exterior e tamén haberá prácticas na aula onde aprenderase sobre seguridade, pezas, montaxe e desmontaxe e reperación dá rozadora. Ou remate vos alumnos recibirán un certificado do curso.

O alcalde de Meis José Luis Pérez acompañado da concelleira Ofelia Barral pasáronse a revisar como se atopa o estado das reformas das obras que se están realizando na casa situada na área recreativa de Porta Pisón na parroquia de San Tomé de Nogueira

Esta casa que se atopa situada nun enclave único, xa que está rodeada de natureza cun río que na súa canle pódense gozar de piscinas naturais, dispoñendo de mesas e bancos para completar unha estancia agradable, pero ao longo dos anos esta casa sufriu númerosos actos vandálicos, por este motivo desde o concello o alcalde José Luis Pérez quixo darlle valor a este enclave natural reacondicionando novamente estas instalacións para as cales  tivo que investir unha cantidade de aproximadamente 3000€ en traballos de carpintería que tiveron que realizar unha empresa externa e agora o concello encargásese do tema eléctrico, pintura, e terminar canto antes esta rehabilitación xa que son innumerables todos os usos que se lle poden dar.
José Luis Pérez aposta por optimizar todos os recursos  co que este concello dispón, para o goce de todos os seus veciños e veciñas.

Con gallo do Día Da Poesía e da Árbore,  o alcalde de Meis José Luis Pérez e a concelleira Ofelia Barral acompañaron a un grupo de alumnos e alumnas do CPI Mosteiro  que na mañá de hoxe axudaron a plantar catro árbores na Avenida de Cambados, os alumnos e alumnas puideron participar de forma directa na plantación con palas, sachos e escobóns.

Unha actividade didáctica que gustou moito os escolares e ademais concienciounos na importancia que supón o coidado do medio ambiente e en concreto das árbores. Ao rematar procederon a lerlle ás árbores uns poemas de Antonio Machado e de Rosalía de Castro entre outros, conmemorando así  tamén o Día da Poesía.

José Luis Pérez comentou que este tipo de actividades ensinan a os nenos a coidar a natureza ao mesmo tempo que aprenden a reforestar e a importancia que as arbores teñen no ecosistema.

O concello de Meis fará unha seleccion de persoal nos vindeiros días para a contratación de 9 operarios divididos do seguente xeito 1 canteiro, 2 albaneis, 1 electricista, 1 fontaneiro/a, 1 pintor/a, 1 carpinteiro/a, e dous peóns de obras públicas en xeral a xornada comleta durante 8,5 meses grazas ao PLAN CONCELLOS 20018-2019  LIÑA 3- ( Emprego para conservación de bens e servizos municipais)

Realizaran os traballos por todas as parroquias de Meis cun custo total de 108.930.55€ dos cales subvencionados foron   105.417€ e o restante achegouno o concello, é dicir 3.513.55€.

O alcade Jose Luís Pérez cre que estes tipos de contrato son moi beneficiosos para ambas as partes, xa que os concellos non teñen grandes recursos persoais, pero si moitas necesidades e son un complemento ideal, ao mesmo tempo tamén se logra crear postos de traballo dentro do municipio nuns tempos moi difíciles.

O alcalde José Luis Pérez visitou estes días varias das instalacións deportivas repartidas polo municipio, entre as cales se atopaba o Campo de Fútbol O Leixo

José Luis Pérez realizou unha visita ao campo de fútbol O Leixo en compañía do representante da empresa de construcións metálicas que vai ser a encargada de acometer as obras de cerramento dos novos vestiarios cos que contará este campo de fútbol.

O alcalde transmitiulle neste encontro como quería que se realizase a obra e  a présa na súa realización, xa que esta é unha demanda das máis urxentes do Club de Fútbol da Armenteira, debido a que ao incorporar ás súas filas equipos femininos teñen a necesidade de ampliar os seus vestiarios e dar un servizo demandado nestes momentos.

A actuación que se vai a realizar nestas instalaciónes é de portas metálicas e xanelas de aluminio similares ás xa existentes no vestiario contiguo, reforzando a seguridade cunhas reixas metálicas nas xanelas.

Cabe lembrar que aínda que a sensación é de que non se está actuando nestas instalacións, o alcalde José Luis Pérez quere recalcar e tranquilizar aos socios , veciños e veciñas de “como moi ben sabe a directiva do Club desde este Concello poden contar con todo o meu apoio incondicional do mesmo xeito que os demais clubs e asociacións deste municipio,  comprobárono ao longo destes meses,  xa que realizamos traballos que non están perceptibles á vista, pero son moi necesarios como foi o caso da avaría na motor da auga que deixou sen subministro a estas instalacións en varias ocasións o cal se cambiou por un totalmente novo, e a instalación dos canlóns da recollida de auga que ao estar deteriorados filtraban a auga alagando as instalacións e prexudicando ao cadro eléctrico”.

Como di Pérez “os meus veciños saben que estou á súa disposición as 24 horas do día, todos teñen o meu teléfono e desprázome en todo momento onde me soliciten”

A visita da Conselleira debeuse  a iniciativa dunha parella de xóvenes emprendedores, veciños do Concello, de acondicionar un minifundio para labores de explotación agrícola.

O proxecto é parte da iniciativa do Fondo Europeo Agrícola de Desarrollo Rural (FEADER) e das axudas da Xunta de Galicia para a incorporación de xóvenes agricultores.

O Alcalde José Luis Pérez estivo  na Parroquia de San Salvador de Meis acompañando a una parella de xóvenes emprendedores do Concello que lle insinou as labores de acondicionamento dunha terra que vai ser utilizada para a explotación agrícola, neste caso unha plantación de tomates

A  iniciativa da xoven parella non foi algo novo para eles xa que posúen  outras dúas explotacións tanto de leitugas como de pementos de Padrón baixo o nome da súa empresa “Hortamanda”. Esta nova explotación poríase en marcha no prazo de un mes e acollería plantacións de tomates, das clases corazón de boi, tomate negro de Santiago e tomate do país.

Á cita acudeu a Conselleira para o Medio rural Ángeles Vázquez que destacou a Meis como un Concello onde a climatoloxía é idónea para calquera tipo de plantación agrícola , ademáis dos viñedos, abundantes na zona, permitindo cultivar durante todo o ano por ter unas temperaturas suaves incluso na estación de inverno, creando así máis postos de traballo e contribuíndo a diversificción da producción agraria. Para este fin a Xunta contará este ano cun orzamento que chegará ós 65 millóns de euros. En esta cuestión estaba totalmente dacordo o Alcalde José Luis Pérez o cal se referiu ó medio rural como “razón de ser do Concello de Meis” e recordou que Meis ademáis de posuir unas características climatolóxicas idóneas, é o Concello máis grande da comarca do Salnés.

A Conselleira fixo fincapé na importancia que teñen este tipo de proxectos no plan da Xunta de Galicia, e que Concellos e Administración traballan para axudar  ós xóvenes que se qeren adicar a Horta como medio de vida . Subliñou que o pasado ano foron un total de 466 xóvenes que decidiron  adicarse ó ámbito agrario na nosa comunidade, poñendo en funcionamento terras que se encontraban en situación de abandono con un fin agrícola.

A partir de aquí, a Conselleira comentou a necesidade de ter un Selo que nos identifique como “Horta de Galicia”, xa que os nosos productos son recoñecidos tanto dentro como fóra da nosa comunidade ,pola calidade e sabor que os identifica e que só é posible gracias as condicións do noso territorio, e sinalou ó Alcalde como peza clave para que se leven a cabo este tipo de proxectos.

Aproveitando a presenza da Conselleira do Medio Rural o Alcalde José Luís Pérez quixo facer referencia a ley de Parcelarias , pedíndolle que se axilizasen os procesos administrativos que actualmente se encontran bastante parados. Pola súa banda a Conselleira sinalou ó Concello de Meis como un dos Concellos agraciados no que os trámites parcelarios se levan con maior axilidade, xa que ten en marcha una serie de concentracións parcelarias que ó mesmo tempo dependen de una serie de estudos mediomabientais e sinalou a Meis como Concello exemplar en este ámbito.