Marta Giráldez Barral, Alcaldesa-Presidenta do
Concello de Meis (Pontevedra)
FAGO SABER:
Que aprobado polo Pleno do Concello de Meis, en sesión ordinaria celebrada o día 29-05-2020, o Plan Municipal de Prevención e Defensa contra os Incendios Forestais, que establece a obriga de manter limpas unhas faixas de terreo de 50 metros arredor dos núcleos de poboación; ponse en coñecemento das persoas titulares das parcelas afectadas (sinaladas nos planos en cor verde), para que procedan a executar os traballos de limpeza pertinentes, con obxecto de evitar os riscos de posibles incendios forestais.
O que fago público para xeral coñecemento.
Marta Giráldez Barral, Alcaldesa-Presidenta do
Concello de Meis (Pontevedra)
FAGO SABER:
Que unha vez a situación de emerxencia sanitaria que deu lugar á declaración do Estado de Alarma se vai compoñendo, e imos cara a “Nova Normalidade” a partir do martes 26 de maio reabrirase o Punto Limpo situado no Mercado de Gando nas mesmas condicións de antes:
O Punto Limpo é exclusivamente para persoas particulares con veciñanza en Meis.
O uso do Punto Limpo está PROHIBIDO A EMPRESAS.
Os días e horas no que estará aberto o Punto Limpo son os que se indican a continuación:
– Martes e Xoves: Dende as 09:00 ata as 13:00 horas.
– 1º e 3º sábado do mes: Dende as 09:00 ata as 13:00 horas.
O que fago público para xeral coñecemento e debido cumprimento.
Marta Giráldez Barral, Alcaldesa-Presidenta do
Concello de Meis (Pontevedra)
FAGO SABER:
Que unha vez a situación de emerxencia sanitaria que deu lugar á declaración do Estado de Alarma se vai compoñendo, e podemos saírmos da casa a pasear por Meis, comprobamos que as mascarillas despois de usalas acaban onde non é debido: tiradas no chan.
Isto, que é unha mostra de falta de civismo, nas actuais circunstancias é un grave problema de sáude pública.
Polo ben de toda a cidadanía comunicamos que á hora de desbotar as mascarillas os guantes e outros productos hixiénicos, hai que metelos nunha bolsa única pechada dentro da bolsa do lixo que vai ao colector verde.
O que fago público para xeral coñecemento e debido cumprimento.
Marta Giráldez Barral, Alcaldesa-Presidenta do
Concello de Meis (Pontevedra)
FAGO SABER:
Que logo da declaración do estado de alarma polo RD 463/2020, e seguindo as Recomendacións da FEGAMP aos Concellos para a reanudación da actividade no contexto da crise do COVID-19, a partir do luns 18 de maio o persoal municipal estará traballando a porta pechada na Casa do Concello.
Recoméndase a realización de trámites a través da sede electrónica meis.sedelectronica.gal e as consultas telefónicas chamando ao número 986712001 (De 9 a 14 horas os días laborables).
Que a atención presencial nas dependencias municipais realizarase a través de cita previa, contactando mediante correo electrónico ou chamada telefónica segundo se indica a continuación:
Servizo / Persoa de contacto |
Teléfono |
Correo electrónico |
Rexistro Xeral/ Rosana Sanz |
986712001/ 615522463 |
|
Padrón de Habitantes-Certificados de Bens/ Jose Blanco |
615522462 |
|
Cultura / Javier Martínez |
615299817 |
|
Servizo Xurídico/ Pedro Pérez (De luns a mércores) |
615299833 |
|
Traballadora Social /Ana Vázquez |
615522460 |
|
Educadora Familiar /Celia Frieiro |
615299895 |
|
Urbanismo/ María Doce |
615522461 |
|
Arquitecto/ Dani Rubio |
615522451 |
|
Secretaría Xeral/ Carmen Merino |
615522459 |
|
Secretaría/ Ramón Fariña |
615522454 |
|
Tesoureiría /Romi Cores |
615522455 |
|
Intervención/ Mary Carracelas |
615522453 |
|
Técnico de Emprego/ Mary Carmen Rey |
615522456 |
O que fago público para xeral coñecemento e debido cumprimento.
Marta Giráldez Barral, Alcaldesa-Presidenta do
Concello de Meis (Pontevedra)
FAGO SABER:
Que logo de telo estudado e consultado con moitas familias do municipio, temos razón para pensar que as nenas e os nenos de Meis están a ser os que mellor se están a portar de toda a contorna. xa que están a ser moi valentes e obedientes, cumprindo coas normas do estado de alarma, lavando as mans moitas veces ao día (malia que hai quen se escaquea) e non saíndo da casa nin sequera para algo tan importante como celebrar coas súas amizades o seu aniversario.
Que grazas a este comportamento tan responsable estamos conseguindo mellorar pouquiño a pouco a situación e que menos persoas se poñan maliñas.
Que esta actitude merece un premio que compense a tremenda inxustiza que é non poder celebrar un día tan importante coas amizades.
Por todo iso, esta Alcaldía ACORDA
Que cando todo isto remate e poidamos volvernos xuntar moita xente, o Concello de Meis vai organizar a maior festa de aniversario da historia de Meis, para celebrar tódolos “cumpres” desta época de confinamento e que estarán convidadas e convidados tódalas nenas e tódolos nenos do noso concello.
Queremos aproveitar este bando para dárvo-las grazas pola vosa paciencia e pedirvos que sexades fortes e aguantedes un pouquiño máis, porque estamos moi orgullosas/os do que estades facendo.
O que fago público para xeral coñecemento.
MARTA GIRALDEZ BARRAL, ALCALDESA-PRESIDENTA DO CONCELLO DE MEIS (PONTEVEDRA)
FAGO SABER:
Que o Concello de Meis conta cunha rede de sumidoiros que conduce os vertidos á depuradora de Lantañón, procedentes das vivendas correspondentes aos lugares de Pompeán, A Goulla, O Noval, Latañón, As Portelas e Vilanoviña, na parroquia de Paradela.
Que esta depuradora, unha vez máis, está a sufrir avarías moi graves que precisan de reparacións moi caras, debido á presencia nos vertidos de compresas, toalliñas, trapos de cociña, etc.
Xa que logo, apelo á colaboración de toda a cidadanía para contribuír ó bo funcionamento da depuradora evitando tirar eses resíduos impropios da rede de saneamento.
O que fago público para xeral coñecemento.
MARTA GIRÁLDEZ BARRAL, ALCALDESA-PRESIDENTA DO CONCELLO DE MEIS (PONTEVEDRA)
FAGO SABER:
Que a rede de sumidoiros que conduce os vertidos procedentes das vivendas dos lugares de Gondarei de Arriba e A Bouza á depuradora está a sufrir atrancos e avarías que poden ser moi graves e polo tanto precisar de reparacións moi caras, debido á presencia nos vertidos de compresas e toalliñas.
Xa que logo, dende o Concello de Meis apélase á colaboración de toda a cidadanía para contribuír ó bo funcionamento da rede de sumidoiros evitando tirar eses resíduos impropios da rede de saneamento.
O que fago público para xeral coñecemento e efectos.
Enquisas de bases de reestruturación parcelaria
Xoves, 18 de xullo de 2019, Charla informativa no Auditorio do Centro Multiusos ás 10 da mañá.